२०८०।०६।२९ को पुरस्कार समर्पण समारोहमा "जगदम्बा-श्री २०७९" का लागि श्री टेकवीर मुखियाज्यू तथा "मदन पुरस्कार २०७९" का लागि 'ऐँठन' कृतिका लेखक श्री विवेक ओझाज्यूलाई सम्मानित गरियो।
मदन पुरस्कार
मदन पुरस्कार एक वर्षभित्र नेपाली भाषामा निस्किएका उत्कृष्ट कृतिहरू मध्ये एक कृतिलाई प्रदान गरिने पुरस्कार हो। मदन पुरस्कार स्थापना हुने घोषणा सवर्प्रथम २०१२ साल असोज १० गते भएको थियो।
मदन पुरस्कार गुठी
स्व. ज. मदनशमशेर राणाको स्मृतिमा रानी जगदम्बाबाट स्थापित मदन पुरस्कारको घोषणा २०१२ साल असोज १० गते भएको थियो। पुरस्कार प्रदान गर्ने पहिलो घोषणा २०१३ सालमा भएको हो भने यसको वितरण २०१४ सालदेखि सुरू भएको हो।
जगदम्बा-श्री
जगदम्बा-श्री नेपाली भाषा, साहित्य, संस्कृति लगायतका विविध क्षेत्रमा उल्लेखनीय योगदान पुर्याउने व्यक्ति वा संस्थालाई सम्मान गरिने सम्मान पुरस्कार हो। गुठीका संस्थापिका स्व. रानी जगदम्बाकुमारी देवीको स्मृतिमा २०४५ सालमा यो सम्मान पुरस्कार स्थापना भएको हो।
मदन पुरस्कारबाट सम्मानित कृतिहरू
मदन पुरस्कार गुठीको मुखपत्रका रूपमा विसं २०१६ सालदेखि निरन्तर रूपमा प्रकाशित नेपाली त्रैमासिकले २२६ औं अङ्कदेखि आफ्नो स्वरूप तथा र प्रकाशन हुने विषयवस्तुमा केही हेरफेर गर्न लागेको छ। गुठीका सदस्य सचिव कुन्द दीक्षित सम्पादक तथा दीपक अर्याल सह-सम्पादक रहने गरी प्रकाशित हुन लागेको नेपाली त्रैमासिकका तर्फबाट गत ५७ वर्षदेखि अविच्छिन्न रूपमा सम्पादकीय नेतृत्व दिने गुठीका अध्यक्ष श्री कमल दीक्षितज्यूप्रति हार्दिक आभार प्रकट गर्दछ।
नेपाली त्रैमासिकले छापा तथा पठन संस्कृति, पुस्तक, पत्रपत्रिका, मुद्रण, पुस्तकालय, अभिलेखालय आदिसँग सम्बन्धित लेख रचनाका साथै अभिलेखमा आधारित टिप्पणीहरू प्रकाशित गर्ने लक्ष्य लिएको छ। विगतमा जस्तै यहाँहरूको निरन्तर सहयोगको अपेक्षा राख्दै यहाँहरूको अध्ययनमा आधारित लेख रचनाहरू प्रकाशनका लागि पठाइदिनु हुन हार्दिक अनुरोध छ।
लेख-रचनाका सम्बन्धमा:
१) यसभित्र पुस्तक, छापा, पत्रपत्रिका, प्रकाशन, फोटोग्राफी, अभिलेख, पुस्तकालय तथा अन्य विषयमा गरिएका खोजमुलक लेख, टिप्पणी, संस्मरण, अन्तर्वार्ता तथा ऐतिहासिक दस्तावेजहरू समावेश हुनेछन्।
२) माथि उल्लिखित विषय बाहेक ऐतिहासिक सामग्री, पुस्तकालय वा अभिलेखमा आधारित अन्य विषयका लेख-रचनाहरू पनि यसभित्र समावेश हुन सक्नेछन्।
३) लेख रचनाहरू मौलिक हुनुपर्नेछ तर ऐतिहासिक दस्तावेज, दुर्लभ लेख रचना, पुस्तक अंश वा समीक्षा पुन: प्रकाशन हुन सक्नेछन्। छापा संस्कृतिसँग सम्बन्धित अन्य भाषाका सामग्रीहरू पनि नेपाली भाषामा अनुवाद गरी समावेश गर्न सकिनेछ।
४) लेख-रचना सामान्यत: १५०० शब्ददेखि ५००० शब्दसम्मका हुनेछन् तर आवश्यकता अनुसार यस्ता लेखहरू छोटा वा लामा पनि हुन सक्नेछन्। लेखसँगै दिइने नक्शा, फोटो, तालिका वा अन्य सामग्रीहरू प्रकाशनका लागि अनुमति लिने जिम्मा लेखकको हुनेछ।
५) प्रकाशनका लागि प्राप्त लेख-रचना फिर्ता नहुने भएकाले लेखकले उक्त लेखको प्रति सुरक्षित राख्नु पर्नेछ।
६) प्राप्त लेखहरूमा कुनै परिमार्जन आवश्यक देखिएमा परिमार्जनका निम्ति लेखकसँग अनुरोध गर्न सकिनेछ। सम्पादन कार्य पूरा भएपछि प्रकाशन स्वीकृति लिन लेखकलाई अन्तिम प्रारूप देखाइनेछ।
७) अभिलेख टिप्पणीका हकमा अभिलेखको तस्बिर, स्रोत, आकार तथा अन्य विवरण खुलेको हुनुपर्नेछ। सोही अभिलेखका आधारमा टिप्पणी वा लेखसँग उक्त अभिलेखको तस्बिर समावेश गर्नुपर्नेछ।
८) युनिकोड नेपाली फन्टमा टाइप गरिएको लेख निम्न ठेगानामा पठाउन सकिनेछ।
सम्पर्क ठेगाना
सम्पादक
नेपाली त्रैमासिक
पोष्ट बक्स नं ४२,
पाटनढोका, ललितपुर।
Email:nepali@mpp.org.np
मिति २०७२ चैत्र १८ गते बसेको मदन पुरस्कार गुठीको ६६ औं साधारण सभाले आगामी २०७२ सालदेखि मदन पुरस्कारका लागि दर्ता हुने पुस्तकहरूबाट छनौट गरी १० (दश) ओटा पुस्तकको “श्रेष्ठ सूची” तयार गर्ने र ती पुस्तकहरूको नाम सार्वजनिक गर्ने निर्णय गरेको छ। यसरी सार्वजनिक भएका श्रेष्ठ १० पुस्तकहरू मध्ये एक पुस्तकलाई गुठीको साधारणसभाले सर्वश्रेष्ठ ग्रन्थको निर्णय गरी मदन पुरस्कारको घोषणा गर्नेछ।
वैशाखको अन्त्य सम्ममा गुठीले मनोनयन समितिलाई आएको ग्रन्थहरूको लगत दिनेछ र मनोनयन समितिले तीमध्येबाट छनौट गरी “श्रेष्ठ” १० पुस्तकको नाम गुठीमा सिफारिस गर्नेछ।
मदन पुरस्कार गुठी
